ஏர்டெல் மற்றும் ஐடியாவில் அன்லிமிடட் வாய்ஸ் கால் வசதி
மும்பை : ரிலையன்ஸ் ஜியோவின் போட்டியை சமாளிக்கும் வகையில் ஏர்டெல், வோடபோன் போன்ற நிறுவனங்கள் தங்கள் வாடிக்கையாளர்களுக்கு அளவில்லா அழைப்புகள் மற்றும் இலவச இன்டர்நெட் டேட்டா உள்ளிட்டவைகளை வழங்க துவங்கியுள்ளன.
இதனிடையே, ஐடியா செல்லுலார் நிறுவனமும் தங்கள் வாடிக்கையாளர்களுக்கு இலவச டேட்டாவுடன் கூடிய தொகுப்புகளை வழங்க முன்வந்துள்ளன.
இதுதொடர்பாக, ஐடியா செல்லுலார் நிறுவனத்தின் தலைமை மார்க்கெட்டிங் அதிகாரி சஷி சங்கர் கூறியதாவது, 185 மில்லியன் வாடிக்கையாளர்களை தன்னகத்தே கொண்டுள்ள ஐடியா செல்லுலார் நிறுவனம், 4ஜி போன்களை புதிதாக வாங்குபவர்களுக்கு ரூ. 9 ஆயிரம் மதிப்புள்ள 12 மாதங்கள் காலஅளவிலான இன்டர்நெட் டேட்டாவை வழங்குகிறது.
ஐடியா வாடிக்கையாளர்கள் ரூ. 348க்கு ரீசார்ஜ் செய்தால், 1 ஜிபி 4ஜி இன்டர்நெட் டேட்டாக்கள் கிடைக்கும், தற்போது அதனுடன் சேர்த்து அளவில்லா அழைப்புகள் மற்றும் எஸ்எம்எஸ் சேவையும் கூடுதலாக வழங்கப்படுகிறது.
புது 4ஜி ஸ்மார்ட்போன்கள் வாங்குபவர்களுக்கு கூடுதலாக 3 ஜிபி இன்டர்நெட் டேட்டா வழங்கப்படுகிறது. 28 நாட்கள் செல்லத்தக்க இந்த பேக்கை, வாடிக்கையாளர்கள் ஓர் ஆண்டிற்கு 13 முறை ரீசார்ஜ் செய்துகொள்ளலாம் என்று தெரிவிக்கப்பட்டுள்ளது.
மக்களிடையே, 4ஜி பயன்பாட்டை அதிகரிக்கவும், தங்கள் நிறுவனத்தின் அதிவேக இன்டர்நெட் சேவையை அனைவரும் பெறும் பொருட்டு இத்தகைய திட்டங்கள் அறிவிக்கப்பட்டுள்ளதாக சஷி சங்கர் மேலும் கூறினார்.
