சூரியனைத் தொட்டு விளையாடப் போகும் நாசா..!
சூரியனைத் தொட்டு விளையாடப் போகும் நாசா..!
வாஷிங்டன்: சூரியனை தொடும் திட்டம் என்ற பெயரில் புதிய மிஷனில் இறங்குகிறது நாசா. சூரியனுக்கு விண்கலம் அனுப்புவது குறித்த முக்கிய அறிவிப்பை இன்று அது வெளியிடவுள்ளது.
செத்து செத்து விளையாடுவது வடிவேலு காமெடி. சூரியனைத் தொட்டு விளையாடப் போவது நாசாவின் புதிய விளையாட்டாகும்.
சூரியனை அதன் அருகிலேயே போய் ஆய்வு செய்ய முடிவு செய்துள்ளது நாசா. அதற்கு அது வைத்துள்ள பெயர்தான் டச் தி சன்.
சூரியனின் மர்மங்கள் குறித்து அறிந்து கொள்ள நாசா விஞ்ஞானிகள் தொடர்ந்து முயன்று வருகின்றனர். சூரியன் குறித்து ஆராய்ச்சி செய்ய சோலார் பிரோ பிளஸ் 2018 என்ற விண்வெளி கலத்தை நாசா அனுப்ப உள்ளது.
விண்கலம் சூரியனிலிருந்து 40 லட்சம் மைல்களுக்குள் சூரியனின் சுற்றுப்பாதையில் நிறுத்தப்பட உள்ளது. இது மற்ற விண்கலம் போல் அல்லாமல் வெப்பம் மற்றும் கதிர் வீச்சை தாங்கும் வகையில் வடிவமைக்கப்பட்டுள்ளது.
இந்த விண்கலம் சூரியனின் வெளிப்புற வளிமண்டலத்தை ஆராய்வது மட்டுமின்றி பல நட்சத்திரங்கள் எவ்வாறு இயங்குகிறது என்பது பற்றிய கேள்விகளுக்கு விடை அளிக்கும் வகையில் நாசா தனது ஆய்வை மேற்கொள்ள உள்ளது.
சூரியனின் மேற்பரப்பைவிட பல நூறு மடங்கு வெப்பமாக உள்ளது. வெப்பநிலை 5 லட்சம் டிகிரி செல்சியஸுக்கு மேல் உள்ளது. இந்த 1,400 டிகிரி செல்சியல் வெப்பம் மற்றும் கதிர்வீச்சை 11.5 செ.மீ. தடிமனான கார்பன் கலப்பு வெப்ப கவசம் மூலம் வெப்பத்தை சமாளிக்க நாசா திட்டமிட்டுள்ளது.
இந்த சூரிய ஆய்வு திட்டத்துக்கு 180 மில்லியன் டாலர் செலவிடப்பட்டுள்ளது. விண்கலத்தில் 3டி கேமரா, சூரிய காற்று துகள்களைக் கண்டுபிடிக்கும் கருவி, காந்த புலங்களை அளவிடக் கூடிய கருவிகள் பொருத்தப்படவுள்ளது. இந்த திட்டம் குறித்த முக்கிய அறிவிப்புகளை இன்று நாசா அறிவிக்க உள்ளது.